Arzua Juvenil 2-5 Silleda

 O Silleda reencóntrase cá victoria antes do derbi

Gran partido do Silleda en Arzúa. O encontro comezou con dous combinados moi valentes que saíron a buscar ao outro equipo. Nos primeiros compases do choque adiantouse a SD Silleda por medio de Vilas, nunha gran xogada na que se escapou por velocidade e finalizou cun remate cruzado. Logo deste lance, o partido volveu á calma e nunha xogada de pillo, de non Vilas anticipou un centro de Damián dende a dereita e colocou o segundo tanto. O Silleda daba a impresión de xogar só, xa que poucas novas houbo dos locais, a non ser o perigoso dorsal 18, Sergio, que intentouno todo pola súa banda, pero sen éxito.
Xusto despois do segundo tanto, nunha xogada desafortunada para a defensa de Silleda, un disparo dende a frontal bate en Graba e cambia por completo a traxectoria do balón, que se introduce na portería pegadiña ao pau dereito, polo que non puiden chegar.
O partido continuou igual, o Silleda facendo a presión moi arriba e roubando rápido, creándolle serios problemas á zaga rival.
Nun remate de cabeza de Sergio caería o terceiro pouco antes do final do primeiro tempo.
O segundo período comezou co Silleda moi arriba, e nun roubo dentro da área chegaría o cuarto tanto, obra de Damián.
A partires de aí, a desidia marcou o partido, xa que o Arzúa xa ía moi por detrás no marcador e o Silleda non quería asumir riscos desprotexendo a defensa.
Un erro defensivo propiciou a chegada do segundo tanto do Arzúa, pero non foi moi relevante xa que pouco despois, unha pena máxima sobre Damián sería transformada por el mesmo. O Arzúa quedaba con 10 xogadores e tres tantos de desventaxa.
A tranquilidade reinou ata o final do partido, 3 puntos que voan de Arzúa ata Silleda e agora a pensar no derbi do Deza. Fagan as súas apostas.