Dubra 2-1 Silleda

O Silleda fai o ridículo na casa dos colistas

Mal partido o que se veu hoxe en Dubra.
O Silleda, non foi quen de adaptarse ao terreo de xogo de tan reducidas dimensións, de todos os xeitos, ese foi un mal menor en comparación coa escasa garra amosada.
O Dubra pola súa parte, aguantou ben o chaparrón, e á contra, dedicouse a crear perigo na área do Silleda.
O primeiro tempo foi para esquecer. Moito balón largo, moi pouco toque e a defensa do Dubra estivo todo o tempo levando os balóns de cabeza. Moi pouco traballo para os porteiros, xa que as ocasións de gol brillaron pola súa ausencia.
Na segunda metade, o Silleda adiantouse e a partir de aí chegou a debacle. Mala marca nun córner, remate ao pau, e o segundo balón acaba nas mallas. Co empate, o Dubra viu as súas pilas recargadas e pouco despois, un balón solto dentro da área remátao o número 16, (saíu dende o banco e anotou os dous tantos do seu equipo), e acabou coas aspiracións do Silleda, que se amosou impotente vendo como os seus esforzos eran estériles, xa que ningunha das combinacións era a correcta para resolver o partido.
Ao final, derrota merecida do Silleda e premio de máis para o Dubra, que non fixo nada máis que defender. O resultado axeitado sería un empate a 1.