SD Silleda 2 - 0 Grixoa SD

Partido rácano o de hoxe en Outeiriño

Pouco fútbol de toque aínda que houbo un dono de principio a fin e o resultado foi xustísimo. O Silleda comezou abasallando a portería contraria a base de cogo directo e verticalidade, así, nunha galopada de Dalo pola esquerda subiu o primeiro tanto ao marcador, gran gol do que neste partido xogou de extremo esquerdo.

Hai que dicir que non resultaron mal os experimentos de Loco, que se adicou a repartir minutos entre os seus xogadores na tarde de onte.

O Grixoa poucas aparicións tivo en campo contrario, só creaban ocasións nos córners e nalgún disparo dende a distancia, sen poñer en problemas nin á defensa nin á portería dos locais.

Así as cousas o Silleda seguía dominando e tendo a posesión.

Ao descanso chegaríase con sensacións moi boas para os locais, ós que só lles faltaba un gol para tumbar ao Grixoa, incapaz de superar o entramado defensivo dos trasdezanos.

Ao pouco de comezar este segundo periodo, chegaría a ocasión máis clara para o cadro visitante, un rápido desborde na frontal da área deixa ao dianteiro só ante o porteiro local e non acerta a superar ao cancerbeiro, o marcador non se moveu.

Manolo pasou a ocupar a punta do ataque, e nun balón mal defendido pola zaga anticiparíase ao porteiro que errou no cálculo da saída e, a pesar de producirse un choque brutal entre eles, o balón rematou nas mallas visitantes, 2-0 e partido prácticamente finalizado.

Dende aquela ata o final o Silleda creou perigo pola banda esquerda, tendo xogadores frescos como Órrea, Damián e Jose Manuel, que saíron dende o banco, pero ao pitido final chegouse co 2-0.

Agora chégase ao parón cunha moi boa xeira de resultados e sobre todo desas sensacións perdidas de autoridade e control do xogo, que xa eran horas de ter de novo. Só 2 puntos nos separan da zona de ascenso e estamos a 7 da cabeza da liga, moito mellor panorama que o ano pasado. Agora a pensar no nadal e a adestrar ben para chegar ao encontro de Cacheiras sen sorpresas. Bo nadal e aninovo a todos, e beber con sentidiño!

:)